主页 > H荟生活 >【今期必试零食】爆红!绿茶可乐与抹茶梳打! >

  • 【今期必试零食】爆红!绿茶可乐与抹茶梳打!


    2020-06-12


    一年容易又圣诞,一大班朋友聚会,点少得零食?一般嘅零食食到厌,不妨试下今期为大家介绍嘅六款零食,当中最杀嘅梗係今期大热双绿系列!就係绿茶可乐,早排便利店一出就卖到断晒,唔紧要,我哋搵到更厉害嘅日本金赏版!仲有堂饮版添!

    1.日本金赏绿茶可乐(推!)

    上期讲过香蕉味汽水,今次就讲吓绿茶可乐。不过可以放心,呢只新味係得金奖之作,饮落比一般可乐多气好多,既饮到可乐味,又饮到淡淡绿茶味,两者出奇咁夹,余韵清新,贵少少都一定要试!

    【今期必试零食】爆红!绿茶可乐与抹茶梳打!
    木村绿茶可乐 $15.9

    【今期必试零食】爆红!绿茶可乐与抹茶梳打!

    OK 便利店

    电话:2991 6337

    如果惊我哋介绍完都好快断市,可以考虑去旺角呢个抹茶甜品店试试新推出嘅抹茶梳打,有Blogger试饮过大讚有抹茶味之余唔会过浓而苦涩,甘香又清甜!

    【今期必试零食】爆红!绿茶可乐与抹茶梳打!
    抹茶梳打 $36

    GUM”JENG” x御前上茶

    •地址:旺角广华街13号广辉大厦地下4至5号舖 (显示地图)

    •营业时间:7pm-11pm

    2.懒人恩物即沖燕麦

    睇盒面介绍话係红豆汤,点知沖出来是燕麦居多,不过唔紧要,反正都係好食又有益,最抵讚係不会太甜,反而粒粒杏仁、红豆、提子、燕麦的 原味仲喺度,感觉更加健康。

    【今期必试零食】爆红!绿茶可乐与抹茶梳打!
    即沖提子杏仁燕麦 $19

    【今期必试零食】爆红!绿茶可乐与抹茶梳打!

    Aeon(康怡店)

    电话:2884 6888

    3.像真度高饭焦糖

    天气冻,煲仔饭的饭焦令人回味,估唔到糖都出饭焦味,贪新鲜即管一 试,竟然有惊喜喎!入口除咗有甜味,仲有少少带苦的焦香,有点似咖啡糖,之后又会有阵阵饭味渗出,一粒糖做到咁像真又多层次,好嘢!

    【今期必试零食】爆红!绿茶可乐与抹茶梳打!
    大象饭焦糖 $10.9

    【今期必试零食】爆红!绿茶可乐与抹茶梳打!

    Aeon(康怡店)

    电话:2884 6888

    4.极重口味大虾粉丝(最伏!)

    出街食大虾粉丝煲,总係会油到腻,呢个叮叮粉丝虽然係非常乾身,选用的南美白对虾亦无霉味雪味,可惜泰式香料落得太多,变成好闻唔好食,而且食落非常鹹,建议配一碗白饭,係重口味人士专用。

    【今期必试零食】爆红!绿茶可乐与抹茶梳打!
    泰式大虾焖粉丝 $23.9

    【今期必试零食】爆红!绿茶可乐与抹茶梳打!

    Aeon(康怡店)

    电话:2884 6888

    5.北海道土产朱古力

    呢款粟米朱古力,係人都知是北海道名物,粟米有粟米香,朱古力唔係死甜都係常识吧!独立包装最方便储存,今期Sogo做紧周年感谢祭做紧特价,买定摆喺公司,一定食唔停口呀!

    【今期必试零食】爆红!绿茶可乐与抹茶梳打!
    粟米牛奶朱古力 $29.8

    【今期必试零食】爆红!绿茶可乐与抹茶梳打!

    崇光超市(铜锣湾店)

    电话:2833 8338

    6.冬日限家甜味薯片

    圣诞将至,卡乐 B 就出咗只法式焦糖炖蛋味薯片来应节,记者率先试味,觉得食落先鹹后甜,最后有一阵奶油香,喜唔喜欢就见仁见智,最抵讚嘅係包装有新意,一款口味有四款包装设计,每款都印有不同讯息,其中一款係留白的 Message box,可以自己写嘢,够浪漫。

    【今期必试零食】爆红!绿茶可乐与抹茶梳打!
    法式焦糖炖蛋味薯片 (售价待定)

    【今期必试零食】爆红!绿茶可乐与抹茶梳打!

    12月头于各大超市、便利店及零售店有售



    上一篇:
    下一篇: